Ավարտվեց մեր մեկշաբաթյա մաթեմատիկական ճամբարը։Անչափ հետաքրքիր և հագեցած շաբաթ անցկացրեցինք ճամբարականների հետ։Ամեն օրը սկսվում էր մարզական պարապմունքով։Ճամբարականները խաղում էին ֆուտբոլ,վոլեյբոլ։
Այնուհետև ունեցել ենք մաթեմատիկայի դասաժամ,որի ընթացքում ճամբարականները լուծել են խնդիրներ լուցկու հատիկներով,սովորել են 11-ով արագ բազմապատկում կատարել,խաղացել են խաղեր «Մաթեմատիկա» ամսագրից։
Ճամբարականները մեծ ոգևորությամբ մասնակցում էին մաթեմատիկական լոտո խաղին։
Յուրաքանչյուր օր ճամբարականների հետ այցելում էինք ագարակ՝ լողավազանում լողալու համար։
Ճամբարականները ծանոթացան նաև ինժիներական լաբորատորիայի աշխատանքներին։
Ընկեր Թագուհու օգնությամբ ճամբարականները սովորեցին ճիշտ աշխատել կավի հետ։Պատրաստեցին տարբեր ֆիգուրներ և թողեցին չորանալու,այնուհետև թրծվելու։ Ճամբարականները անհամբեր սպասում էին իրենց աշխատանքների վերջնական արդյունքներին։
Մարզական պարապմունքների անցկացմանը օգնում էին ընկեր Ռոզան և ընկեր Անդրանիկը։Ճամբարականները կատարում էին իրենց հանձնարարված առաջադրանքները և իրենք էլ ցուցադրում իրենց իմացած հմտությունները։
Ճամբարականները ամեն օր անհամբեր սպասում էին ճաշի ժամին,քանի որ ամբողջ ընթացքը կազմակերպում էին իրենք։Նախապես որոշում էին, թե ինչ պետք է պատրաստեն, կատարում էին նախահաշիվ,չանցնելով 500 դրամի սահմանը։ Գնումները կատարելուց հետո սկսում էինք պատրաստել ճաշը։Ճամբարականների ցանկությամբ պատրաստել ենք փլավ աղցանի հետ,պիցցա,տարբեր հյութեր և կարտոֆիլ ջեռոցում։
Ընկեր Լուիզայի և ընկեր Մերիի հետ ճամբարականները սովորեցին նոր երգ և պար։